Wer kennt noch uns al Eckernför
Wo von brune Segel'n weer vull de För
Wenn de Fischers keem vom Fang torüch
Un eer Bööd leeg'n vull Breedeln an de Brügg
|:So wat kennt wie hüüt nie mehr
Hör over dormaals to uns Eckernför :|

In veele Straaten keem ut mennig Huus
Överall de griesbrune Rökersmok rut
An de Kannt wull veerdig Rökerien
Deen de Tied uns Fischers een Fang bestrien
|:So ist dat hüüt ok nie mehr
Weer over eenmaal so in Eckernför :|

Stüttig leegin in Haab'n de Scheepen
Aß dee de Welt von Eckernför wat wedden
Se keem mit Köhl ut Engeland
Mit Holt vun Sweedin un ut Finnenland
|:Ok dat ist all veel anners worn
Wie in de dormaalig Eckernförder Johr'n :|

Gung'n man de Tied lang de Straaten
Deen överall de Holtpantüffeln klaaken
Ob Jungs un Deerns ob Fruns un Mann
All harr'n se düsse holten Dinger an
|:Un hörn dees bloß dat platte Wort
Dat weer dormaals uns Eckernförder Aart :|

Wo wie aß Kinner deen speeln an de Strand
An de Brügg un an uns ole Dang'n
So weer graad dütt lüitt Placken Eer
Een egen Stück von uns ol Eckernför
|:Dat niemaals een von uns vergitt
De in sien Kinnerjohrn hett mak dat mit :|