Wer kennt noch uns ol Eckernför
Wo von brune Segel'n weer vull de För
Wenn de Fischers keem vom Fang torüch
Un eer Bööd leeg'n vull Breedeln an de Brügg
|:So wat kennt wie hüüt nie mehr
Hör over dormaals to uns Eckernför :|

In veele Straaten keem ut mennig Huus
Överall de griesbrune Rökersmok rut
An de Kannt wull veerdig Rökerien
Deen de Tied uns Fischers een Fang bestrien
|:So ist dat hüüt ok nie mehr
Weer over eenmaal so in Eckernför :|

Stüttig leeg'n in Haab'n de Scheepen
Aß dee de Welt von Eckernför wat weten
Se keem mit Köhl ut Engeland
Mit Holt vun Sweed'n un ut Finnenland
|:Ok dat is all veel anners worn
Wie in de dormaalig Eckernförder Johr'n :|

Gung'n man de Tied lang de Straaten
Deen överall de Holtpantüffeln klaaken
Ob Jungs un Deerns ob Fruns un Mann
All harr'n se düsse holten Dinger an
|:Un hörn dees bloß dat platte Wort
Dat weer dormaals uns Eckernförder Aart :|

Wo wie aß Kinner deen speeln an de Strand
An de Brügg un an uns ole Dang'n
So weer graad dütt lütt Placken Eer
Een egen Stück von uns ol Eckernför
|:Dat niemaals een von uns vergitt
De in sien Kinnerjohrn hett mak dat mit :|

Die letzte Strophe kam erst später hinzu

Doch hüüt kannst die dreihn hin un heer
Von de dormaalig Tied finst nix mehr
Bloß dat Erinnern, dat ins noch bleb'm
Un dormit möd wie sick wull tofreed'n geb'n
|:Denn nie sien Daag kümmt dat weer vör
Wie't dormaals weer in Eckernför :|