Över hunnert Johr steihst Du stolt
In Eckernför, uns Brüch ut Holt
Buut büst du över den Haavn
Föhrst Eckernför un Borby so tosaam
As 1872 de groote Stormfloot wär forbi
Hebbt Pioniere upbuut Di för nie

Dat se försett Di 'n beeten naa Ost
Weer Din Glück un is uns een Trost
Wo vörher Du hest staa'n
Fohrt Autos nu un de Isenbahn
Toschütt is de Binnenför med de Tid
Keen Plads weer dor mehr west för Di

Du vertellst uns ok ohne Wör
Ut ole Tiden vun uns Eckernför
Fischerböd, Seilscheep leeg'n to beide Siden
Fischerlüd, Seelüd, Fischwark, wat för Tiden
Keek man vun Di int Waader daal
kunnst seeh'n Makrelen, Bütt un Aal

(1988)