Nu büst Du dor, nu büst Du born
Büst naakt nu in de Welt sett worn
Keen hett frogt, ub Du ok wullt
Annern hebbt bestemmt, dat Du sull't

Wat ward dat Leeven Di bringen
Nod, Elend, Sorg'n or Jubelklingen?
Du weest dat ni, kennst Di noch ni ut
Kunnst Din Öllern ok ni söken ut

Nu büst Du fiev, vörbi sünd de Krabbeljohrn
Geih'st veelicht al in de Kinnergorn
Veel weest Du no nich vun de Welt
Hörst to, wenn Oma Di vertellt

Noch kannst Du unbeschwert din Tid verbringen
Deihst Di freu'n, ok mol fröhli singen
Doch de Märchenwelt is nu bald forbi
Med de School fangt de Eernst ok an för Di

(1988)