S. 875

September 1927. Ünner de Hölder vun Laaland deen wi naa Struffbutt fischen un seihn, as’t düster weer, de veele Lichters vun de Bagenkoper Driefnettfischers, de in de Belt naa de grod Harvstheern fischten (Harvstheern sind große Fettheringe, die im Herbst gefangen werden). Wi deen sick över düss Fischeri ünnerholn. Uns Meenung weer, wo wi de 23-25 mm Heerngaarns op de Bööns lingn haarn, müss düsse Fischeri doch ok wat vör uns ween, wo de Buttfischeri opsteess ? doch heel kümmerli weer. Wi warn sick eeni, op de Driefnettfischerie ümtostelln.

So fischten wie de Nacht dör, beed to de anner Meddag. Wi harrn sick in de Tied 46 Stieg Struff- un Goldbütt tosaamkratzt. Ümm halb een leepen wi vun uns Fangplatz naa Gulstav-Klint to. Wulln versööken, mit de Besatzung vun een Bagenkoper Boot to spreeken, wat se so an Heern fangn deen. Ümm eben naa Klock 2 keem de irsten Böö anlopen, wi deen een Boot anwinken, de deen ok glieks affstoppen, dat wi bi emm langssied gahn kunnen, un deen mit de Besazung spreeken, över de Driefnettfischeri

S. 876

un wie de Fänge weern. De ol Fischer dee uns verstahn, he verteel, dat he mit sien Beltboot oft naa Kiel aver noch mehr naa Eckernföör een Ladung Hering bröögt harr, so dee he uns seggen, dat de letzte Daag de Fänge vun 2.000-3.000 Pund op Boot anland weern. Wi deen uns bedanken un leepen mit Kors op de Kieler Föör to. Wie güngn ünner Bellevue vör Anker, deen uns Struffbutt in uns grod Döschruus utestten, dormit se lebennig bleem. De anner Morn leepen wi mit uns Fang an’t Fischmarkt, een Stücker 12 Böö leegn dor mit Bütt ant Fischleeger, er Fänge bestünn meistens ut lütt un mittel Bütt, de se to Hellekrog un Südost vun Staberhuk aff in twee Daag sick tosaam fischt harrn, von 10-13 Zentner op Boot.

Dor weer allerlei Fischwark an’t Markt, so weern de Prise ok man kümmerli, vör uns Struffbutt I kreegen wi 40-45 Penn, vör Struffbutt II 32-25 Penn dat Pund. Vun Kiel leepen wi ümm Klock 11 ut naa Eckernföör, wo wi eben naa Klock 2 an de Niebrügg fast maakten. Wulln ümm de Klock 6 mit uns Heerngaarns un all war dor tohöör weer an de Brügg sien. De anner Morgen weern wi mobil

S, 877

un mit allns utrüst halbig teihn an Bord. Ümm Klock 10 steeken wi in See, naa Gulstav-Klint to. Ünnerweggs deen wi uns Netten insteen, de Bojen deen wi een Eel ? lang op de Netten fastmaaken, so as de Dän uns dat seggt harr, so dat allens vör Utsetten klaar weer. Ümm Klock halbig 3 seihn wi de Bagenkopper Böö ünner Gulstav-Klint lopen naa de Belt rin. Wi deen beed östlicher afflopen, so dat wie 3½-4 Seemieln vun de Langelandküst aff weern, deen beobachten, dat de Böö een naa de anner, aver wied uteenanner sick vör Anker smeeden. Dat weer dann jo wull er Platz, wo se utsetten deen, wi lepen noch mehr na Laaland to, so dat wi een paar Mieln östli vun de dänsche Böö weern. Wi fungn an, naa de Belt rin uttosetten. Vun uns Netten bleem paar Stücke an de Oberfläche un sackten ni aff, se weern eenfach to flott. As wi bi 10te Stück weern, keemen wi in een Stromkannt rinn. Irst har de Strom naa de Grodbelt tosett un nu keem de strom mit eenmaal ut de Belt rut. So mussten wi uns Netten mehr na Laaland to utsetten, dat wi vun uns utsette Netten frikeem, aver se keemen jümmer mehr op uns to.

S. 878

Wi harrn noch eenige Netten naa to utsetten, aver dat harr keen Zweck mehr, denn uns Laternweedt, de irst in Südosten vun uns stahn de, stunn nu all in Westen, so fungn wi an, uns Netten weer intotrecken, as wie naa mittleren Stücke vun uns Schicht keem, weern hier all mehrere Stück över een anner weggahn. As wi uns Netten all weer an Bord harrn, weer dat stickdüster warn, so leepen wi üm dat Lichterfeld vun de dänsche Böö rümm naa Keldsnor Füürturm to, un güngn dor to Anker. Dat weer uns irste Drifnettreis naa de Grodbelt.

De anner Morgen weer’t ok weer dotstill, vun uns flotte Netten nehm wi jede drütte Flaat aff un deen uns Netten weer klaar maaken to Utsetten. Dat uns Netten to flott weer leegt doran, weil se vör de Grundfischeri naa de Deepheerings instellt weern, un mit schwöre Rings mit Isen insteent weern. Nu, vör de Driefnetten weern se mit lichde Rings an de Ünnerdell insteent. Dorto keem natürli dat Mallör mit de twee verscheedene Strömungen, de sick op de Netten utwirk harrn. Ümm Klock 5 lepen wie liegsen vun de Füürturm aff, bleem een Seemiel östli

S. 879

vun de südliche Doren ? lingn, beogten, wie de Strom leep un luur beed de Dän anfangn dee to utseeten. Se deen so schräg langut naa Langeland tosetten. As wi wied noog vun emm aff weern, deen wi ok so utsetten. Ümm eben vör de Klock 11 Nachts fungen wi an, uns Netten intotrecken, op de irsten Stücken seeden naa uns Schätzen god een paar Wall op Stück, wat sick jümmer mehr beedern de, je mehr Netten wi inholten. Eben naa de Klock 12 harrn wi uns Netten an Bord un leepen mit Kors naa Eckernför to, wo wi ümm Klock halbig 7 in Haabn fastmaaken deen. Uns Fang harrn wi ünnerwegs affsteeeken, he beleep sick op 1.740 Pund vun de grod Fettheern, för de wi 22-24 Penn dat Pund kreegen. De Besatzung un 5-6 Böö deen sofort er Netten vun er Bööns holen un deen torüsten vör de Driefnettfischeri. Beed in de Oktober rinn sünd wi, wenn de Witterung dat toleed, Dag vör Dag naa de Grodbelt mit uns Driefnetten fohrt. Det keem ok vör, dat eenige Böö dör dat slecht Wetter von er Netten wölk verlorn hemm. Vör de grod Schippfohrt, de dör de Grodbelt keem, weer de Driefnettfischeri een grod

S. 880

Behinderung, un brögg vör manchen Fischer grod Verluste an Netten mit sick, wenn een Damper de Nettschicht (Fleet) vun een un anner Fischer to neeg keem, fungen dejenige an to Blüüsen (Abbrennen einer größeren Fackel). Wenn so’n Füürwark in dat Driefnett-Gebeed losgahn dee, so wüsst de Kaptein vun ein Damper, de in dat Feld rinkeem, ni mehr wo he naa tofohrn sull, ümm de Fischers keen Schaaden to maaken. De dütsche Marine-Flotte iss mol vun een Manöver in’t Skagerak un Kattegatt dör de Grodbelt torüch naa Kiel fohrt, un ohne sick ümm de Driefnettfischerie to kümmern, mehrn dör dat Feld fohrt. Dorvör muss de dütsche Marine an de dänische Driefnettfischerie 200.000 Mark as Schadenersatz betaaln. Denn düsse Fischeri na de Harvstheern weer een Saisonfischeri vun veer Weeken vör de dänische Fischeri, un düsse Tied müss utnütz warrn, denn hier handelt sick dat ümm de Existenz un dat Lebensrecht vun de Fischeri.

Fr. Daniel