1929 mitte Oktober, uns Fischerie mit de Driefnetten för de Groot-Belt, weer to een gahn, weil de Fänge, mit eenmal all weer'n, uns letzt Tour'n, weern mit stürmisches Wetter beend, Een paar Daag lader, keem Chr. Rehs un seegt, in Kiel weer hütt Morg'n, een Dän ut „Rödby“ mit een grod Fang vun 4000 ℔ Heern (Hering), de hee up sien Driefnetten makt harr, inn loppen Do seegt, Franz Zett to uns, wat meent jie, süllt wie dat noch mol reskeern, een Tour dor to maken, mien Vadder, Fiete Mumm un ick sölber, weern gliek's dorför, sunst weer keener mehr dorför noch een Tour dor to mak'n. Wie göng'n glieks naa uns Netten hinn un nehm se vun de Stötten aff, un bröchten se an Bord, so ock Franz Zett mit sien Swieger Söhn Laui Petersen, un Fiete Lützov, brögten er Netten an Bord, tosam den wie sick affmak'n ümm ½2 Uhr uttoloppen. De Witterung weer, wie de letzten Daag hehl good, een flaue Wind ut Südwest, ünnerwegs de sick over, in de Südkannt, jümmer mehr Wollken hochtrecken, unseitig weiter

2

aß wie övert „Millionvirtel” weg weern, sch de Luft in de Südkannt, mit een Breegde von Südost beed na Südwesten to, aß bruh sick dor een grood Unwetter tosam, wat jümmers neeger över Fehmarn weg togahn, de, suns weer dat noch doot still. Wie lepen beed'n to sam, un sprok'n ünner eenanner, up wie naa Fehmarn to loppen sull'n, oder naa'd Fangplatz ünner Laaland wieder to loppen, wie mehn over tosam, nu sünd wie eenmal hier, nu laad uns dat man riskeern, de Netten uttosetten. Aß wie ünner Laaland geg'n Krannitz up 7 Faden Waderdeppte weern, wüsten wie, dat dütt Unwetter bald över uns keem, un so weer dat ock wie deen Anfang'n uttosetten un weern bied verte Stück, do keem dat Unwetter mit Orkan-Boe, un een Wand vun Regen över uns, dat weer mit eenmal stock düster, de Scheed vun'd 4te Stück, dee Fiete Mumm gau över de Poller ströpen, un den all dree in'd Rorhus rinn, vun Franz Zett, harrn wie nichts mehr sehn, hee weer vun uns ut noch mehr naa Nordosten toloppen, naa 10 Minuten, de dee Wind beed afflaun, wie ock de Regen leed een beed naa, wie deen uns 4 Stück Netten inhohln, dat irste Stück weer upspunn, aß wenn een Reepsläger dor bie wesen weer, un doch weern dor all eenige Heern up, de anner 3 Stück weern klar bleem, un dor setten all bie 50℔ Heern up Stück.

naa uns Schätzung, uns Dreekant-Segel, dreihn wie so veel wie Möglie up, dat bloß noch een Segel naa bleev wie ein Wellndeck. So leppen wie mit Kurs naa Wester-Mardelsdörp to, naa dem aß wie de Netten in harrn, un uns Segel uprollt harn, keem werder een Sturmboe mit Regen, aß wennd mit Emmers up Deck goden wor, De ganze Luft ümm uns rum, weer een Geblitz un Donner, uns Ogen weern all total verblend, dat Unwetter bleef nu in een Tour bie, aß wie een gode Halvstünn ünnerwegs weern keem weer een Orkan Boe, so hart, dat uns Boot mit dat lütt Lappen vun Segel up, sick in Lee datbeck in'd Wader drücken dee, un mit eenmal geef een Knats, un de Bohn vund Segel weer broken, un vun Bohm, keem de Regen, aß wenn wie sölbst in'd Wader swüm deen, wie de Boe weer vörbie, dee, de Südost noch jümmers mit 7-8 un mehr dörstan, Ick leeg mit Öltüch an, in Lee achter de Kajüt upbu, un sull utkiek'n un hörn, wenn vun'd Fehmarn Belt-Fürschipp, een Lichtblick oder sien Nebel-Signal to hörn weer, denn wie mußten naa de Tied bald quer aff ween, aß de Regen beed weniger wor, de ick eenmal een Lichtblitz sehn, un ock dat Nebelhörn, ick reep dat naa achtern to, dat Fürschipp leeg ungefähr Twarsaff vun uns, over ick dee noch mehr Signale vun Dampers hörn, 2 mal mit 1 Ton, un een mit 2 Töne, de müß jo ohne Fohrt een stelling ling'n

96 De Regen müß jo so dicht sien, dat wie vun'd Fürschipp keen Licht mehr in Sicht keem, un een Damper mit 1 Ton, un een noch jümmers mit 2 Töne aß Signale, un naa de Töne müßen garnimal de Dampers wied von uns aff wesen, de mit 2 Töne, mit gestopte Maschien muß dicht bie uns sehn, over de Regen müß jo so dicht sien, doch mit eenmal seh ick 2 witte lichter, un een grönes Licht, ick harr noch niemal naa Achtern roppen, seh ick ock all dat rode Licht, un dat weer dicht bie uns, dat weer de Damper mit de 2 Signalle, de Damper mit 1 Signal Ton, de ick ock nie mehr hörn, aß schien dee, de Südost beed weniger to warn, over de dichte Regen bleef noch bie, ick dee mie naa Achtern to krabeln, naa'd Roorhus, mien Vadder de seen'g krup man weer naa vörn, un kiek ut, naa dat Für von Wester-Markelsdörp, naa knapp een halve Stunn, kunn ick dat Nebelsignal hörn, an Backbord- Sied, noch een beed förrut, over keen Licht, de Regen good noch jümmers in Ström, dat Blitzen, weer bloß noch över de Belt, naa de Grood-Belt un Laaland to sehn. Mit eenmal keem das Für vun Wester-Markelsdörp quer aff vun uns in Sicht, mit eenmal weer de Regen un ock de Wind förbie, keen Wind, keen Seegang un keen Regen mehr, wie wehrn wull 1½ Mieln vun de Küst aff, dat Flühsand-Für weer mit eenmaal ock to sehn, so göng'n Fide Mumm ick bie, un stecken de Heern aff vun de Netten

Vun de 3 Stücken, harr'n wie nie ganz 4 Kisten full, ick de noch seen'g, to Fiete Mumm, wat meenst, wen'd god Wetter bleem weer, wat wie förn Fang mußt harr'n, wo up uns paar Stücken, de niemal een virtel Stünn in'd Waader, un denn all 50 ℔ up Stück. Üm de Klock 5 Uhr, weern wie in „Heilighaben‟, fass, gliek's dornaa kreeg'n wie Besöck, vun Wilh. Heisler un Hannes Mest, se fragten glieks up wie ut de Belt keem, se vertellten, dat se ock ünerweggs wesen weern, over een Stück budden „Bojensdörp‟ dat Unwetter wat över de Südsied vun Fehmarn, naa de Belt to trecken de in Kieker kreeg'n, un weern weer biedreiht, so deen se vertelln, dat se de letzt Nacht, jeder bie 4000 ℔ Heern (Heringe) up er Netten hatt harrn, zwischen Rödby un Krannitz up 6 Faden Wader, se seggten, dat ock noch een Dän dicht bie se wesen weer, so vertellten wie, dat de Dän in Kiel mit sien Fang wesen weer, wo wie bescheed kreeg'n, un sick mit 2 Böö, up de Weg naa Laaland to, wie harr'n grad anfung'n uttosetten, un do keem dat Unwetter över uns los, harrn grod 4 Stück vun uns Netten över Bord, do heft wie fund 4 Stück de Scheed över de Poller legt, un weern all 3 in'd Rorhus kropen, mit een Orkan-Boe un een Wand vun Regen göng'n dat Unwetter över uns wegg, naa 10 Minnten, de de Wind un Regen, sick een beed'n geb'n, do hefft wie gau uns Netten weer inhohlt, un in niemal ¼ Stünn, dat de Netten in'd Wader, weern dor all 50℔ Heern, up de 3 Stücken

de klar bleem weern, dat irste Stück wat wie inhohlten harr sick dör de Kraft, de up de Netten keem bie de Orkan- Boe, harr sick so up krelt, aß wenn een Reepschlager dor bie wesen weer, jie heft dat Stück jo sehn. So de Wilh. Heisler seeng, Willi denn harr'n, jie dat richtige Stell vun Heern droben, de 4 Kisten leed Hannes Mest, vun sien Jung'n naa de Rökerie von Richards bring'n. uns Segel, deen wie uphohln, un seggten, un dat weer uns Segel wat wie upharrn, aß de Bohm knacken dee, bie de 2te Orkanboe un in Lee leeg'n wie mit Deck in'd Wader wie makten de Bohm frie, un leegten emm an'd Bullwark hin, de Bohm weer nie inn 2 Deele brocken, sondern bloß inknick, dor sull de Schippstimmermann “Götsch”, paar Liesten up fast maken, den weer de Bohm wull weer to brucken sien, do seegt Wilh. Heisler, Willi dat ward Götsch wull torecht krieg'n Seh harrn beide achtert Rettungsschuppen stahn, un sehn, dat vun Flühsand, een Fohrtüg mit Latern up naa Heiligenhaab'n to loppen dee, un seh harr'n gliek's ünnereenanner segg't, dat ist een Boot, wat ut de Belt kam deit, un vund Unwetter öberrascht weer, un Heißler harr gliek's segg't, wenn dat een Boot ut Eckernför ist, de mit de Netten naa de Belt wull, denn so ist dat Willi Daniel, un hee harr Recht hatt, se deen sick jo all good kenn

tosamm bie de Küsten-Wach-Kommando ween.

Aß wie Kaffe drunken, deen wie dat Stück Heerngarn, wat sick upspunn harr, ut een, annern klarn, dat weer een böses Arbeiten, dat ut eenanner to krieg'n, dor weern ock noch 15 ℔ Heern up, wo Fiete Mumm wöllt vun trech mak'n dee, un to Middag braan wull, 10 ℔ kreeg de Timmermann, to Middag, keem sien Söhn Hans, mit de Bohm weer an, 4 Starke Liesten ut Eckenholt, harr'n seh över, dat Knickstell makt, dee noch lange Johr'n, so lang'n noch hohl'n hett, beed to de 60stieger Johrn, aß dat Boot verköft war, Aß wie to Mittag Eeten harrn, keem Wilh. Heisler sien Jung'n, un soll seen, dat seh ¼4 Uhr in See steck'n wull'n, naa de Belt to, wie sull'n man mit utloppen, ist good de mien Vadder seng'n, wie sünd ümm ½4 Seeklar, so deen wie uns een paar Stünn op Ohr läng'en. Um ½4 Uhr leppen wie mit 3 Böö ut naa de Belt to, dat weer dootstill, ümm ½7 Uhr leppen de beiden vun uns aff, mehr naa Rödby to, wie leppen naa de Stell to, wo wie bied Unwetter utsett harr'n, wie harr'n an'd Lot eben ünner ½ Faden, so leppen wie noch een beed neeger naa'd Land to, wo wie 6 Faden, an'd Lot harr'n, vun hier ut, deen wie naa Westen to uns Netten utsetten, de beiden Böö ut Heiligenhab'n, weern nu ganz ut sicht kaam.

Aß wie ferdig mit Utsetten, weer dat all schumerie, wo wie mit uns Boot leeg'n, harrn knapp 8 Faden an'd Lot, dat weer noch jümmers dootstill, ümm ½11 Uhr, fung wie an, uns Netten in to trecken, beed to dat 7. Stück un harr'n noch nie een Heern up de Netten hat, do dee mien Vadder seeg'n, dat hett keen Zweck de Netten wieder intotrecken, laad uns de 6 Stücken weer utsetten, un wie läng sick noch een paar Stünn hinn, Ick war mit eenmal wook'n un hör een Motor dicht bie uns, ick rut ut de Koje, un seh een 1½ Master-Kajars, een paar 100 mtr. achter uns lang fohr naa de Fehmarn-Belt to, de Sunn stünn all Bohmhoch övert Land, ick göng'n klieks naa förn, un kunn keen vun uns Bojen, de up de Netten weern nichts sehn, de Löpper vund Boot naa de Netten leeg los daal, so reep ick mien Mackers, de noch in er Kojen leeg'n, dat vun uns Netten, keen Bojen to sehn sünd, do keem se over Hulder-Kapulder rut ut uns Kajüt, deen sick glieks er grood Steeveln antrecken, wat ick all vörden makt, Ölschört för, un fung'n ann de Löpper intohohl'n, de irst loos inhohl'n un wor mit eenmal stief, un swör, do keem mien Macker Fiete, un hohl de Löpper wieder inn, ick göng'n naa Achtern un de Motor an to wahn, un in Gang'n to bring'n, do seegt, mien Vadder, Kielt mal naa för'n, wat dor loos ist.

to seh ick datt Fiete Mumm de Boomdell all een Stück inhohlt haar, un mien Vadder dat Summ vund Nett inhohl, un de Ünnerdell vund Nett uphohl'n dee, so watt an Heern up een Nettstück harr ick noch nie erleef, mien beide Mackers ock fröher all mal een barg Heern up er Netten hatt, over so veel, aß hier up ock noch nie. Mien Vadder segg to mie, dreih de Annwarmamp man irstmaal weer ut, dat iss jo Doodstill, un treckt de Gaarns (Netten), irst so inn, komm man heer, un hohl de Ünnerdell inn, da ick de Bössen mit all dat Fischwark up, mien Vadder seeg't wat jie makt, Kiek mal, all de Heern sünd vun de Ostsied in de Gaarns loppen, un dat irst in de Morgenstunn, de sünd jo so lebendig, aß dat irste Stück an Bord, seeg ick so, dor sünd jo bald 400 ℔ up mien beiden Mackers meen, dor sitt noch veel mehr up, so bleef dat bie, up jedes Stück, beed to dat 7.te Stück, dat weer so to seeg'n bloß een paar Meters vund Simm aff, do weern de Heern all, wie een Strich, vun de Boomdell beed to de Ünnerdell, un up uns Netten, vun hier ann, beed to de 18 Netten, de noch in'd Wader weern, setten nie een Heern mehr up, mit de Stürbordsied, leeg uns Boot heel över kränk, so hohlten wie de 18 Stück, Netten up Backbordsied rinn. Wie deen uns Fang bie 3000℔ inschätzen, mien Vadder, de noch seeg'n, watt meent jie, wenn wie gestern obend glieks utsett harn

wo wie Anfang'n wull'n, denn harr'n wie womöglie noch mehr Stücken hatt mit sunn Fang up, dat kann angahn meen uns Macker Fiete, dat iss over good ween, dat wie de Stücken weer utsett harr'n, hier könt wie ansehn, för Meernacht keen Fisch up de Netten, un geg'n Morgens sunn grood Fang, ick dee so ut mie herrut seeg'n, wat meent jie, wenn up all uns Netten so veel Fischwark sedden harr, de harr'n wie jo garnie laad'n kunnt. Aß wie alln's an Bord, keem de Frag, watt söllt wie, naa'd Huus, denn sünd wie ümm 2 Uhr dor, wenn de Witterung so bliff, do seeg mien Vadder, dat Wetter bliff as schient good, laad uns ünnert Land loppen, un dat Fischwark affstecken, dat iss een Glück, dat wie uns Ruum vull Kisten heff, so leppen wie naa Albun-Flach to ünnert Land un göng'n dor to Anker up 6 mtr. Wader, so drunk'n wie irstmal Kaffe, un den göng'n dat Affstecken los, bied naa'd Land loppen, harr'n wie all uns Kisten vun'd Bünndeck, up Backbordsied, vun förn beed achtern, up uns anner Netten pacht. Middags ümm eb'n vör 2 Uhr, weern wie mit de ganze Kram ferdig, so harrn wie 60 Kisten mit 40 ℔ inn, un 18 Kisten mit 50 ℔ in'd Ruum weer vullpackt, deen dornaa watt Eetten, und Wetter noch still weer, wie sick een paar Stünn, to Koje legt, ümm ½5 Uhr

göng'n wie Anker up, un leppen W.S.W. up, dat wie mehr naa Langeland, un för de Grood Belt keem, naa een Stünnstied, sehn wie vun wieden, de Bagenkoper Böö de sick up er Fangplätze hinlegten, wie leppen wieder, beed wie de Fürturm vun Kjels-Noor an de “Facke barg” harr'n, wull'n uns Netten dor utsetten, un do sehn wie, dat een Boot vun de West keem, een “Eckernförder”, hee weer noch een paar Miel'n vun uns aff bied Utsetten, so deen wie ock utsetten naa de Belt rinn, dor weern 4 Dänsche Böö, wull good 2 Sm vun uns aff naa Norden to, de dor all utsett harr'n. De Lichter und Eckernförder-Boot kunn wie sehn, doch ½10 Uhr, weern se mit eenmal wegg, do segg't mien Vadder, de hefft, ihr Gaarns (Netze) all introcken, laad uns ock man bald anfang'n, denn de Wind nimmt jümmers mehr to, un ward weer een “Raballer” för uns, wie gewöhnlie, So fung'n wie ¼ naa 10 Uhr an Inntotrecken, dat wur ock hogetied, dat weer verdammt all weer spökelie, up uns Netten sedden aller Heern up, un vun Stück to Stück jümmers beed mehr. Uns Segel harrn wie vörher, all weer een Reef in dreiht, bie de letzten Stücken, weer, dat all so, wie'd in'd vörrut sehn segg harrn, Aß uns Netten binn Bord, sedden wie'd segel up, un göng'n up de Kurs hart an de Wind, wie kreeg'n een barg Wader över, denn uns Boot weer

doch med bald 5000℔ belast.

So bleem wie up uns Kurs 3 Stünn bie, naa Osten to, sehn wie weer een Blitz naa de anner un wie plagten sick mit een Südwest vun 4-5 aff, dat weer een Glück, dat de Witterung vun Bob'n drög bleff, un dat de ganze Tour beed to Huus. Naa de 3 Stünn, wull'n wie anfang'n de Heern vun de Netten affsteck'n, so deen wie uns Fock ruthohln, un spann emm för de Maststohl, över de Wanten, naa beide Sieden, un bünn de Fock, in een Meter högde an Mast un Wanten fast, so hehl de Fock doch een barg Wader aff, wat dor över keem, so deen wie een Lukendeckel, över uns Winsch decken, un stell'n up jede sied bie de Trommeln, een Fladermus Latern hinn, dormit dat Licht mien Vadder an'd Stür in'd Roorhuus nie blenden dee, un queröver, up de letzt Lukendeckel, deen wie vun'd Bünndeck ut, dorup de Heern affstecken, de Heern smedden wie up Deck hinn, un de leere Netten in de Bünn rinn. Aß wie queraff vun'd Bülker-Fürschipp wollt Daag warn, un weern bie de letzten Stücken, afftostecken. Wie harr'n sick bie de Tour, dat mal üngahn laaden, dat jeder een paar Stunn an'd Roor stahn kunn, ümm sick beed uptowarm. Datt weer eben naa de Klock 9 leppen wie bie uns in Haab'n rinn, dat weer ock jo weer een Tour, de sick sehn laad'n kunn, ohne Strapazen göng'n dat eenfach nie. Datt Boot weer Peter un Janne Mahrt wähn, se wern ümm 7 Uhr inn Hab'n ankaam

Um 8 Uhr weer Akschon wesen, un Peter u. Janne harr'n 23 Pfennig, as för eer Heern kreeg'n un wie kreeg'n Klock 10 för uns ganze Fischwark, datt weer een grod ünnerscheed, Chr. Rehs de noch segg'n, wenn jie gestern Namiddag to Huus kam weern mit erste Fang, harr'n jie to de Klock 4 Akschon, womöglie noch beed mehr aß 23 Pf kreeg'n, un ut ju erst Fang alleen mehr Geld ut makt, aß nu, Datt weer nu ock de letzt Reis naa de Belten mit de Driefnetten, un wie 3 weern sick eenig, sick een 25 Ps Motor bie Kalle Rehbehn to bestelln, Franz Zett keem bie uns ann, un seegt, wo sünd jie doch bloß bleem, do dee Fiete Mumm emm datt vertell'n, wie uns dat gahn harr de Daag, un segg't noch so, wie weer dat denn mit die Franz, du weerst jo mit eenmal Utsicht, jo segg hee, wie wull'n grod Utsetten, do keem de Orkanboe un een Regenwand över uns, de hefft wie uns Segel wech reeft, un den för de Wind naa Langeland to loppen, wull'n sehn dat wie naa Bargenkopp keem, dat weer een böse Tour, dat Unwetter bleff uns jo jümmers up de Knok'n, wie keem dor jo över haupt nie ut rut, beed wie achter Langeland in Schutz keem, dat för de swöre See toloppen, weer hehl schlimm, un denn dat

veele Wader vun bob'n, dat weer stotwies, aß wenn wie in'd Wader swimm deen, mann harr keen Sicht, beed wie so eben, datt Für vun Kiels-Noor een paarmal upblinken sehn, aß wie een Stück achtert, „Klink” weern, weer de Regen all wie ock de See nu Wind, Do segg't Fiete Mumm, so weer dat ock bie uns, aß wie Wester-Markelsdörp quer aff harr'n, weer bie uns Wind, See un Regen all, do sünd wie wieder naa Heiligenhaab'n to loppen wo wie Klock 4 in Hab'n weern, Fr. Daniel