De Wulken hung'n swör vun Heeven
De See leeg still, wie ohne Leeven
Af un to huddel sacht een Keep maal hin un her
Denn weer alln's ruhig, as vörher weer

Doch med eenmaal kreeg'n de Wulken Gang
- De See leeg dor noch speegelblank -
Dann een Huul'n, en Fleuten un een Krach!
De Storm weer dor - as ut'n Sack!

Nu weer de See svart as de Nacht
De Natur se wies uns nu ehr Macht
De Heven luurt böös - rein dull!
As wenn he alln's vernichten wull

Hoch rull'n de Wellen an de Strand
As wull'n verslukken se dat Land
Mennig Seemann de ni b'reit hett staah'n
Med Schipp un Mann is ünnergaah'n

(1973)

* Ein Utscheeter ist ein auf See plötzlich einsetzendes Unwetter, meistens mit Wolkenbrüchen und orkanartigen Böen