De Wulken hung'n swart un swör an Heeb'n
De See leg still as weer se ohne Leev'n
Af un to huddel sacht een Keep maal hin un her
Denn weer alln's saa as dat vorher weer

Med eenmaal keem'n de Wulken in de Gang
Wenn ok de See noch leg saa speegelblank
Nu een huul'n fleuten un een Krach
De Storm weer dor he keem nu ut den Sack

Nu sünd See un Luft düster as Asch'
De Natur wies uns nu sien Macht
Wulken un See woorn pietsch
Rein dull as wenn be alln's vernichten wull

Hoch rullen de Wellen an de Strand
As wull'n verslukken se dat ganze Land
Manch Seemann de ni bereit hett staah'n
Med Scheep un Mannen is ünnergaah'n

(1973)

* Ein Utscheeter ist ein auf See plötzlich einsetzendes Unwetter, meistens mit Wolkenbrüchen und orkanartigen Böen