Dat Opholn von de Waadböö

Wenn de Fischers er Waad'n vun de Dröögkoppeln meern in de Mai herümm naa er Bööns bröögt harrn, so gööng'n, se dorbie er Waadböö vun binn rein to maken, wo noch an de Planken un sonstige Stell'n vun Blankfischfänge eenige Schuppen fast sedden, de se mit Schruber un Piasavabesen to Liev gahn deen, weern de Böö vun binn sauber, so worn se naa'd Vörstrand bröögt, wo sie an'd Strand opslipp waarn sulln. De Dag vörheer weern vun jeden Eegner, de sien Boot an'd Strand ophohln wull, affmakt wie veel Böö an de Dag opslipp worn. De Stützböck, Taljen, un de Schusen ut Bökenholt, weern all een paar Daag vörheer naa'd Strand bröögt, hier worn se, wenn dat opslippen los gahn de, erst düchdie mit gröne Seeb insmeert, un denn bied opholn vun de Boot ünner de Keel leegt, dat se een paat Meter för de Steev in de Sand uteenanner to ling'n keem, den bied ophohln, wenn dat Boot in Bewegung weer, dorp dat nie, vun de Schusen, affkam, för'd opslippen oder ophohln wenn de Dag an de

50 Mann alln's Degner mit er Lüt de bie er Waad'n förd Gaarn stahn deen, naa'd Strand hinn beordert, de Böö, de een naa de anner an de Reeg keem optohohln, mußten all sowied, wie dat Waader an deepte to leed, naa'd Land to, hinnlegg warrn. Ind ünnerste Steevenlock, dat förd opslippen vörsehn, de man een Tollstarke Stahlstang'n steeken, wor man een doppelte Stropp leeg'n dee de mit een 25-30 Meter lange Trecklien verbunn weer, Bied opslippen müß dat Boot erst liek op stellt warrn, denn wor dat Boot vörn, oplüggt, dat de eersten Schusen ünner de Keel leeg worn, denn mußten 5-6 Mann op jede Sied vun'd Boot dorvör sorg'n dat Boot liekop in de Waag tohohln, wenn'd nu all so wied klaar weer, geev een Mann dat Komando, dat all 30 Mann de Lien anfaad'n, un denn op dat nächst Komando reegslang to glieker Tied mit all er Kraft an de Trecklien reeden, wenn dat Boot un in Bewegung keem, muß man in een Tempo wieder treeken, de Männer de vör de Schusen affdeelt, mußten de Schusen, de achtern vun'd Boot bied ophohln, frie keem, ümmer vörn weer hinn Sleeb'n, dormit de Keel nie vun de Schusen affkeem, beed dorhinn wo dat Boot stahn sull,

hier de man denn de parat stahne Stützböök ünnerstelln. So göng'n dat nu von een Boot naa'd anner, naa de sölbe Ritus wieder, beed all de Böö, de vörsehn weern an er Platz stahn deen. Bied opslippen, wenn de Schusen frie weern, weer naa vörn to bring'n, weern meistens de größere Fang mit an bedeelig, Dat opslippen vun de Böö gööng'n wenn de Witterung dat toleed, Dag vör Dag vörsick, beed all de Böö de vörsehn, up er Plätze stahn deen, manchmol in 3 Reeg'n vun'd Turmhuus an, beed naa de Friebadeanstalt, de vun de ol Luden Genschow un sien Fruu dormals betreut wor, de Badeanstalt stünn dereck and Strand bie de Waderkannt, ungefähr in Richtung vun de hüttige Nordsied vun Aqua-Null. ob dütt Reveer leeg'n beed 1910, wat de letzte Johr weer, beed to 60 Waadböö vun mitte Mai beed tom 15. August op de Strand, ümm överhohlt to warn, un de enkelte Schaaden, de in de Winter entstahn, repareert, un utbeedert worn, so wie eenige Böö de man op de Kopp dreiht harr, mit de Keel naa boom, de sull'n denn kalfaadert, un nie verpickt warrn, ünner de Waderlien, worn de Boo mit Steenköhlteer teert, över de Waderlien mit echten Schwedschen-Teer

so wor ok binn in'd Boot, dat sölbe makt ünner de Geneern mit Steenköhlteer un över de Geneern mit de Schwedsche-Teer, wenn de Teererie beend un ok dröög weer, gööng'n de Malerie los, so wor de Böverste Plank vun budden, naa de Geschmack vun de enkelte Eegner, wo beide Böö de tosaam hörten mit de sölbige Farv anmalt, op dat nu Witt, Grau, Blau, Gell oder Gröön weer, un denn mit een affsteekende Zierstrich affsett, so wie de büddelste Plank anmalt, worn binn ind Boot ok de Remms, Duchten, Siddels un de Winnklampen, un Rooderklampen, sowie Masten un de Spreeten anmalt, un de Toppen mit witt affsett, wenn de Böö den all toregg weern, worn se ok von uns Jungs begodacht, de een möög de, de anner de Farv liehn, De ganz Strand rock de Tied över, naa Teer un Farv. Wenn de Böö in August all ferdie un torecht, wor een Boot naa de anner weer över de Schusen er Element övergeeb'n, jeder wer stolz op sien smukes Bööd. Een grod höög un dat schönste over bie düsse Begebenheit, vun dat op un affslippen vun all de Böö, weer dat naa folgende Drinkfest naa gemakte Arbeit, hier worn einige Flaschen Klaare un mehrere Kasten Beer, jo mit ünner ok noch een paar junge Hunn bestellt,

dat weern de 25 Liter Beerfööd, den weer de Stimmung over timmlie ansteeg'n, un wenn de Sing freudige Fischers erst er Stimm hörn leeden, denn weer'd een Fest wat sick sehn laad'n kunn, de grod Jungs, bekeem natürlie för er Arbeit mit de swöre Schusen ok wat to drinken, een dorvon sedd den gewöhnlie an de Beerhahn, hee müß de leere Gläser vun de döstige Keehl'n, füll'n, dat hier manchmol ok bie de anner Jungs een Glas Beer land'n de vull gornie op, denn bie de Fischerslüüd de een grod Stimmung herschen mit Gesang un Humor, so dat manch een Fischermann vun sien Fruu affhohlt wor, dormit hee de rechte Kurs naa'd Huus to find'n de. Dütt Fest wor jümmers ünner de grod Pappel, de an de Eck vun de Nordostkannt vun uns Exer affhohln, op de Stellaschen wo de Masten, Spreeten un Reems vun de Waadböö lagerten weern de Sittplätze. Glückliches old Eckernför. Fr. Daniel