===== Uns Vadder to Gedenken =====

Uns Vadder Fide Daniel is een rechten Eckernförder Jung weesen. He wör am 10. August 1900 an Jüngfernstieg as erste Söhn vun Wilhelm Daniel und Dora Daniel, geb. Krabbenhöft, born. Sien Öllern weern vun Vaddersied un ok vun Moddersied Afkaamen vun ole Fischerfamilien ut Eckernför un Ümgegend.

Uns Vadder hett all in junge Johrn Daageböger över Begevenheiden in den Fischerie schreeven un hett sick ok in düsse Tid med ole Fischer ünnerholen un allerhand to weeten kreegn ut deren Kinnertid un Arbeidsleeven. So is dat meiste vun dat, wat Vadder to Papier bröggt hett, ut eegen Beleewen un Erinnerungen opschreeven.

As he mi an sien Dodesdag, den 28. Mai 1989, eeniges vun sien Schrievere övergeeven hett, weer dat med de Beed forbunnen, dat eenmal tosaamen to stellen un för de Familie as Erinnerung uttogeeven. Dat will ick hermed gern doon un haab dorbi, dat all, de dat mool to seehn kriggt, uns Vadder un uns ole Eckernför good in Erinnerung behold. Dat meiste is platt schreeven, eeniges, tomeist ut de Fischerie, is ok op Hochdütsch opschrevven woorn.

Veeles vun dat, wat Vadder opschreeven hett, is vun em all bi Leevtiden an de Heimatgemeinschaft, dat Heimatmuseum un ok an anner Lüd övergeeven woorn, saa dat veelicht nich alln’s in düsse „Familienchronik“ to finnen is.

Eckernför, Harvst 1989

Wilhelm Daniel