==== Dat Reinemaaken ====

Wenn Busch un Strusch fang an to gröö'n\\
De Natur ledd alln's wedder blööh'n\\
Denn is dat wedder maal so wied\\
Med de verdreihte Reinemaaketid\\

Vun sülv'n kümmt de Familienstried\\
Johr üm Johr to düsse Tid\\
Wenn Putz un Schürwut rümmer geiht\\
Is vörbi de hüüsliche Gemüdlichkeit\\

Dann geiht los dat treeveleern\\
Wann maakst de Köök, wann willst tapezeern\\
Anner Lüd sünnd all lang sowiet\\
Doch wi sitt noch ümmer in de Schiet\\

Dag för Dag geiht' hin un her\\
In't Huus steiht alln's verkrüz, verquer\\
Faat hier mol an faat dor mol an\\
Dat sünd de eenstig Wör an de Mann\\

Kümmst vun de Arbeed du to Huus\\
Saa ist bestimmt de eerste Gruß\\
Pau daar ni hin, pau hier ni rinn\\
O Gott, wo muß as Mann di all in find'n\\

Doch holl jo dien Mund, swieg blots still\\
Laat alln's gescheeh'n as de Fru dat will\\
Denn wie du weest, dat Fruunsgeslecht\\
Behölt in düsse Saaken doch eer Recht\\

Kümmt de Fru maal ni torecht med een Saak\\
Hohlt vun sülvst se bi die Raad\\
Bi de Gelegenheid kannst mol riskeern\\
Dien Meenung laad'n ok maal hörn\\

Is aaver int Huus alln's wedder rein un klaar\\
Hesst vör düsse Saak eerstmal Roh een Johr\\
Vergeeten un to Enn ist de Striedigkeit\\
Vun sülvst trekk in weer de Gemütlichkeit\\

(Vor 1960 ?)